Die vyf susters (Adriaan Kruger speurverhale #1)

Vyf ongetroude susters woon saam in een huis. Wanneer een van hulle koelbloedig doodgeskiet word, is daar dus minstens vier verdagtes. Maar mettertyd kom dit aan die lig dat die vermoorde suster, Rosa, allermins geliefd was en dat talle mense haar graag uit die pad wou hê.

Moord- en Roofspeurder Adriaan Kruger, wewenaar en bedrewe origami-beoefenaar, moet al sy vernuf inspan om die skuldige te probeer ontmasker. Maar dis makliker gesê as gedaan - veral wanneer hy toenemend sukkel om te verhoed dat sy gevoelens vir die hoofverdagte met sy gesonde oordeel inmeng.

Die vyf susters is net die regte medisyne vir alle leunstoel-kriminoloë.