Meneer Perfek (Afrikaans Edition)

Liela en Fensham word vennote en eienaars van haar ouma se teaterrestaurant, Die mal perd. Sy deel ook ’n woonstel met Fensham en onder groot vermaak maak hulle ’n lysie op die swart bord in die kombuis van die eienskappe wat Liela se droomman moet hê.
Intussen hervat Liela en haar hoërskoolliefde, Magnus, hul verhouding. Maar hoekom is hy skielik nie meer die man van haar drome nie, al voldoen hy aan (byna) al die vereistes vir haar Meneer Perfek?
En hoekom is Fensham so ingestel op haar behoeftes en altyd besorg oor haar? Hy het tog immers vir Terry.
Wanneer Liela besef sy kan nie langer saam met Fensham werk nie, kyk sy ook die waarheid omtrent Magnus in die oë, want Meneer Perfek bestaan tog nie werklik nie. Of misgis sy haar?