ਪਵਿੱਤਰ ਪਾਪੀ - Pavitra Paapi

ਪੰਨਾ ਲਾਲ ਇੱਕ ਮੱਧਵਰਗੀ ਪਰਿਵਾਰ ਨਾਲ ਸੰਬਧ ਰੱਖਦਾ ਹੈ ਤੇ ਉਹ ਇੱਕ ਘੜੀਆਂ ਦੀ ਦੁਕਾਨ ਵਿੱਚ ਘੜੀਸਾਜ਼ ਦਾ ਕੰਮ ਕਰਦਾ ਹੈ। ਘੱਟ ਆਮਦਨ ਵਿੱਚ ਪਰਿਵਾਰ ਦਾ ਗੁਜ਼ਾਰਾ ਹੋਣਾ ਬਹੁਤ ਮੁਸ਼ਕਿਲ ਸੀ ਤੇ ਉੱਪਰੋ ਉਸ ਉੱਪਰ ਉਸ ਦੀ ਧੀ ਵੀਨਾ ਦੇ ਵਿਆਹ ਦਾ ਵੀ ਫਿਕਰ ਸੀ। ਇੱਕ ਦਿਨ ਦੁਕਾਨ ਉੱਪਰ ਗਇਆ ਉਸ ਨੂੰ ਪਤਾ ਲੱਗਦਾ ਹੈ ਕਿ ਮਾਲਕ ਨੇ ਉਸਨੂੰ ਕੱਢ ਕੋਈ ਹੋਰ ਘੜੀਸਾਜ਼ ਰੱਖ ਲਿਆ ਹੈ। ਪੰਨਾ ਲਾਲ ਇਸ ਉੱਪਰ ਬਹੁਤ ਨਿਰਾਸ਼ ਹੋ ਜਾਂਦਾ ਹੈ ਅਤੇ ਉਹ ਨਵੇਂ ਘੜੀਸਾਜ਼ ਕੇਦਾਰ ਨੂੰ ਇੱਕ ਖਤ ਫੜਾ ਲਾਪਤਾ ਹੋ ਜਾਂਦਾ ਹੈ। ਖਤ ਵਿੱਚ ਉਹ ਕੇਦਾਰ ਨੂੰ ਪਾਪੀ ਦੱਸਦਾ ਹੋਇਆ ਉਸਨੂੰ ਪੰਨਾ ਲਾਲ ਦੇ ਪਰਿਵਾਰ ਦੇ ਆਉਣ ਵਾਲੇ ਮਾੜੇ ਭਵਿੱਖ ਦਾ ਦੋਸ਼ੀ ਦੱਸਦਾ ਹੋਇਆ ਉਸਨੂੰ ਦੁਰਕਾਰਦਾ ਹੈ। ਕੇਦਾਰ ਉਸ ਬੋਝ ਨੂੰ ਭਾਰਾ ਮੰਨਦੇ ਹੋਏ ਸਾਰੀ ਉਮਰ ਉਸ ਦੇ ਪਰਿਵਾਰ ਦੀ ਆਰਥਿਕ ਮਦਦ ਵੀ ਕਰਦਾ ਹੈ। ਇਸੇ ਦੌਰਾਨ ਉਸਨੂੰ ਵੀਨਾ ਨਾਲ ਪਿਆਰ ਵੀ ਹੋ ਜਾਂਦਾ ਹੈ ਪਰ ਆਪਣੇ ਪਾਪ ਦੇ ਚੱਲਦੇ ਉਹ ਪਿਆਰ ਨੂੰ ਸਿਰੇ ਨਹੀਂ ਚੜਾ ਪਾਉਂਦਾ। ਪਾਪੀ ਕੇਦਾਰ ਆਪਣੀ ਸਾਰੀ ਉਮਰ ਦੀ ਮਿਹਨਤ ਨਾਲ ਆਪਨੇ ਆਪ ਨੂੰ ਪਵਿੱਤਰ ਸਾਬਤ ਕਰ ਦਿੰਦਾ ਹੈ।