Kiekies en Koffie

Christelle en haar hond moet noodgedwonge ’n kampeerplek met die ontoeganklike Joshua deel. Toe hy haar van sy dilemma vertel, spring sy dadelik in om hom te help, want ai tog, die man is darem te sexy vir woorde.

Hulle gaan selfs ’n skynverlowing aan, maar aan die manier waarop hy haar soen en liefkoos, lei sy af dat hy tog vir haar iets voel, soos sy vir hom. Die beeldskone Zenobia is ongelukkig ’n liederlike vlieg in die salf en toe Christelle hulle saam betrap, besef sy daar is vir haar geen toekoms saam met Joshua nie.

Joshua is egter nie bereid om Christelle weens ’n misvertand te verloor nie, maar sal sy hom ooit weer kan vertrou?