Саодат асри қиссалари (1-4 китоблар)

Аҳмад Лутфий Қозончи — ҳозирги замон турк адиби, тарихчи олим. Эътиборингизга ҳавола этилаётган «Саодат асри қиссалари» номидан кўриниб турганидек, саодат асридан, динимиз тарихидаги улкан воқеалардан, хоссатан, Жаноби Пайғамбаримизнинг (алайҳиссалом) туғилишларидан то вафотларига қадар муборак ҳаётларидан ҳикоя қилади. Бу мавзуга бағишланган бошқа асарлардан фарқи – муаллиф аниқ тарихий воқеа-ҳодисаларни ишончли манбаларга – ҳадиси шариф ва сийрат китобларига суянган ҳолда кетма-кетликда қўйиб, ўзига хос бадиий йўсинда акс эттирганидир. Натижада у ғоят ўқишли чиққан.

Бу асар ўзбек ўқувчиларимизга анча йиллардан бери таниш: шу пайтгача ўзбекчада бир неча марта қайта чоп қилинган. Иншааллоҳ, ушбу нашр ҳам сизларга ёқади деган умиддамиз.